الموضوع القــــادم
قنــاة النـاس تأخــذك للجنة..!!.. وهى تروح فين..!؟
انه لمحزن ان يستغل خيرة علماء المسلمين بهذا الشكل
وانه لمصيبة ان تستغل مشاعر المسلمين الدينية ويتلاعب بها
لمجرد انهم وثقوا فى القناة وتعلقو بها لظهور كوكبة رائعة من
العلماء ومشايخنا الافاضل الذين نجلهم ولهم مكانة فى انفسنا على شاشتها
انه لعار أن تنهى عن فعل وتأتى مثلة
هذا وأكثر نتناوله قريبا
الاإذا أصلح الله شأنهم وردهم عن تسفيه عقولنا
واستغلال الدين وعلماءه
من اجل المال والاعلانات
هناك ٥٥ تعليقًا:
والله يا حسن عندك حق
بقت فوضى واستغلال مشاعر الفراد
قناة تاخدك للجنة
ارحما يارب
أيوية
شكرا لاهتمامك وتوافقك معى
شى بقى صعب لم نعد نحتمله
ورأيك يشجع على طرح الموضوع
لانه هناك دوما حساسية تجاه النقد
قد تضع الواحد فى مأزق وان كان الحق معه
وربنا يتولانا جميعا
ولونى مش متابعه القناه بقوه
بس لو الكلام بالمنظر ده
فعلاً معك حق يا حسن
أحنا بقينا فى عصر لبن سمك تمر هندى
المهم البزنس
فـى القلـب
اهلا بك ومنورة الحتة
اما القناة ياستى فهى جيدة
من ناحية الطرح الاسلامى سواء
الدعوة او تعليم الناس امور دينهم
وافتاءهم فى شؤن دينهم ودنياهم
ورغم ان القناة بدأت فقيرة الامكانيات
المادية والفنية والمهنية
الا انها نجحت للوصول الى قلوب الناس
واصبحت جماهيرية
لسببين
الاول اننا شعب متدين وامام الحديث فى الدين الكل بيسلم
والثانى وجود كوكبة رائعة من الدعاة والعلما والمشايخ الافاضل يتعاملون مع القناة بعدما كانو ممنوعين او ممتنعين عن الظهور فى القنوات الحكومية
ولكن يبدو ان القائمين على القناة
ارادو استثمار هذا النجاح
بالتربح من ورائه على حساب عقول ومعنويات الناس
وانا وراهم
وشكرا على الزيارة مرة ثانية
اولا : كل عام وانت بخير
ثانيا : شكرا على تعليقك عندي وكلامك اللي كان صح
ثالثا : انا صحيح مش متابعة جيدة لقناة الناس يعني مش بتفرج عليها غير لما يكون في برنامج لشيخ اعرفة وبيعجبني
ومش عارفة هما يقصدوا اية بحكاية قناة تأخذك للجنة
بس ممكن يكون قصدهم انها تأخذك للجنة علشان المعلومات القيمة اللي في البرامج
مش عارفة
انا سعيدة بزيارة مدونتك
تحياتي
أولا كل سنة وانت طيب يا مشالى ورمضان كريم
بالنسبة للموضوع أنا بشجعك على طرحو وما تخافش ابدا من الانتقادات لان فى النهاية احنا بشر والاختلاف حق مشروع وطبيعى جدا
انا شخصيا مع احترامى لقناة الناس بشوف انها قناة متشددة جدا جدا
طبعا ما اقدرش اعمم
بس بتكلم عن الغالبية من العلماء بحس فيهم تشدد مفروض ميكونش موجود عندنا كمسلمين .
الرسول عليه الصلاة والسلام قال(يسروا ولا تعسروا(
وده صراحة مش بشوفو فى قناة الناس
.
مجرد وجهة نظر.
shahy
كل سنة وانت طيبة انت وابو الدراويش والعيال وربنا يسعدكم
بخصوص قناة الناس
فكلامك مظبوط عن مقصدهم بـ ( تأخذك للجنة علشان المعلومات القيمة اللي في البرامج)و
وانا بحترم القناة وما تقدمه
ولكن هناك ما تقدمه يسيئ لها
ولنا ولعقولنا
وربما للأسلام وللمشايخ والعلماء
من ضيوفها
تحياتى
_________________________
___________________________________
غالـيـة
وانت طيبة
الله اكرم
شكرا على اهتمامك وعلى تشجيعك
ووجهة نظرك تحترم ولها تقديرها
لك كل التحية
أولا رمضان كريم
يارب يعيده عليك و على كل الأمة الاسلامية بالخير و اليمن و البركات
ثانيا
هيا ممكن تكون القناة قصدها تقول كده " قناة تأخذك للجنة " بمعنى انها قناة دينية اللى يتابعها و ياخد بمعانيهاو أهدافها يحظى بالجنة لرضا ربنا عنه و كله طبعا ف علم الغيب ... لكن لو كان لهدف مش شرعى .. بهدف استغلال عقول الناس بافتراض سوء النية فده يبقى طبعا ضحك على عقول الناس
عموما الله أعلم
و شكرا لكتابتك
و شرفنى معرفة مدونتك
تحياتى
موضوع جميل بجد يا حسن انك تطرحه
مش عارفة أنا قناة الناس دي من اول ما طلعت..وهي مش مريحاني
فعلا..باحس ان الناس دي بتخلط الدين بالتين زي ما بيقولوا
قناة اعلانية وكمان متشددة من الطراز الأول
خلطة غريبة فعلا
انا هنا باتكلم عن الغالب فيها..وان كان في قلة من المعتدلين ساعات بيظهروا على شاشتها
المرات القليلة الى بتصادف واتفرج عليها..أفتح الاقي واحد عمال يزعق..ويرعب المشاهدين
يا اما الاقي برنامج اعلانات عن سلع لا مصدر لها..لكن أكيد كلها سلع اسلامية وبركة كمان
يا اما الاقي اعلانات الجواز المريبة الى تحت في البانر
بجد حاجة عجيبة
قناة مريبة هي ككل
لا ترقى ان يطلق عليها فضائية اسلامية..يفترض ان تكون صوت الاسلام للعالم
على الناحية التانية مثلا انا باحترم قناة زي قناة الرسالة جدا
قناة معتدلة الى حد بعيد..وليها خط واضح..ومحترم
هاقول لك ايه ولا ايه بس
قلبت علينا المواجع يا حسن
قناة الناس دي بتفكرني بنوعية الشرايط الى بتتباع على الرصيف بعد صلاة الجمعة
:)
وهو أنت لسة شوفت حاجة يا حسن يخويا ؟؟
أخدتلى بالك من اعلانات بير السلم عن العسل الجبلى والعسل أبصر اية المنشط الجنسى ولا أقوى فياجرا بس مصحوب ببركة شاشة الجنة؟؟؟
شفت برامج الاعلانات الكاملة عن الأخوة بتوع الألحفة والبطاطين
والمذيع يتكلم كأن الدكانة اللى بتبيع المنتج هى اللى صنعتّه ولا مستورد من الصين ولا أسبانيا ولا دياولو
كأنها فخر الصناعة المصرية
والعارض يقول بكل تناكة
احنا تعبنا فى المنتج دة أوى أوى علشان نطلعه بالشكل دة
دة مرعى بتاع الكلّيّمة بيعدى كل يوم وملقح منه رصات عالعجلة وراه
أخدتلى بالك من برامج تفسير الأحلام؟؟
مش ناقص للمفسّر الا يطلب من المتصل بردقوش وطقش مغربى
وارتبطت مصائر المشاهدين بكلب اسود او قط أحول فى الحلم
أخدتلى بالك أن كل ما ينادى به من يهتف فى تلك القناة هوالآخرة فقط؟؟؟؟؟؟؟؟؟؟؟
وسيبك بقا من الدنيا وإلتزامات الدنيا اللى أمرنا الخالق بها
ولا خلق المعاملة بين الناس ولا تجنب الرياء ولا النفاق ولا الصدق فى التعامل ولا منع غش المبيعات ولا حق الجار ولا حق العمل ولا حق الإلتزام بالوقت
ولا حق الوقوف فى وجة الحاكم الظالم وانصاف المظلوم
ولا حق البحث عن العلم من المهد الى اللحد و حق الابتكار
ولا حق احترام العلماء فى كل انواع العلوم وليس علماء الدين فقط؟؟؟؟
كل الأخلاقيات دى
القناة زيها زى أى ملتحى
رمتها جنب الحيط
وأهالت عليها التراب
واتجهت فقط للآخرة
والتباكى على عذاب القبر
ومنكر ونكير وأكثر قوم النار هم النساء
وكفاية كدة وأمسك لسانى أحسن حألبخ فى الكلام
(وش مفروس بيجزّ على سنانه)
Eman Eltaher
الله اكرم
ربنا يتقبل منا ومنك صالح الاعمال
انا سعيد بتشريفك مدونتى
ــــ
موضوع القناة شاغلنى من فترة
لانى بتابعها حبا فى بعض ضيوفها
وبعض المواد التى يطرحونها
ولكن بالمتابعة اكتشفت ان هناك تناقضات وامور ساتناولها فى البوست القادم وربما كانت النوايا حسنة
ولكن يبدو انها سءت امام المادة
والشعار واضح وجميل ولكن
هل يعمل به؟
يا عزيزتى النوايا الحسنة وحدها لاتكفى
وكما يقول المثل :الطريق الى الجحيم مفروش بالنوايا الحسنة
سعدت بزيارتك
كل التحية والتقدير
dr.Roufy
يادى النور يادى النور
د/روفـى هنا معقول
هو انت من اللى بيختفو فى رمضان
الجميل هو كلامك انتى
يعنى مش انا لوحدى منقوط من حاجات كتير فى القناة
وبعدين انا ناوى افرش للموضوع
فى البوست الجاى ان شاء الله
بس انت استعرضت حاجات مهمه
كنت ناوى ادش فيها
و انت ما جاوبتيش على السؤال
"قناة الناس تأخذك للجنة ..!!..وهى تروح فين..!؟؟"
ها
شرفتينى وربنا مايحرمنا منك
تحياتى وتقديرى
شهـــروزة
جميلة قوى منك :حسن ياخويا
والاجمل كلامك اللى هو فعلا انا ملاحظة
وناوى يكون موضوع البوست الجاى
والظاهر انت والدكتورة روفـى
بتقطعو على ومش هاعرف اكتب حاجة فيه
لانكم قلتم اهم حاجات
وانا سعيد بكدا
لانه دليل على نوع من التواصل والتوافق فى الرؤى
وانا كان نفسى ما تمسكيش لسانك
اكيد تلبيخك زى العسل
شرفتينى وبجد زيارتك بيكون ليها معنى كبير
تحياتى وتقديرى
تحية طيبة لك حسن
عندك حق
لما تيجى بإسم الدين يبقى عليه العوض
وظاهرة المتاجرة باى شىء لاستغلال الناس بقت موضة العصر و مش بس قناة الناس ده فى كل حته يعنى كل قناة فضائية بتزكى عن نفسها ببرنامج دينى او فتاوى
والمصيبة نوعية اسئلة توجه للمشايح بتخض كل ما اسمعها اسئلة بتبين ان فيه انحلال كبير احيانا اقول ان ده مش ممكن اكيد الناس دى بتألف الاسئلة مش ممكن يكون الحياء اختفى عند الستات فيسألوا اسئلة بالشكل ده
---
اللى بيجننى ان برامج دينية بيجيبوا فيها شيوخ ليردوا على تساؤلات الناس
وفى اخر الحلقة يقوم الشيخ يسحب ورق من صندوق مليء بااسماء الناس المتصلين لدخول مسابقات عمرة
و هوه ده مش حرام الناس دول كلهم اتكلفوا اد ايه
كيف يكون شيخ يعرف الفرق بين الحرام والحلال ويشارك فى شىء بيستغل الناس
ربنا يسامحنى لكنى اصبحت اتشكك فى اغلب الشيوخ الذين اراهم فى التليفزيون
واشباه الشيوخ الذين يطلون علينا وينصحونا بالصح والغلط لمجرد عمل برامج خاصة والاعلانات والمسابقات تستغل الناس وتدفع لهم
اللهم يرحمنا برحمته
وكل سنة وانت طيب ورمضان كريم
Esmat
اهلا بك وشرفتينى
انت محقة فى كل ما قلتيه واكثر
وهذا مادفعنى ان اكتب وساكتب بوست اخر
تابعينى وسترى بلاويهم
سعدت بزيارتك
تحياتى وتقديرى
اسمحلي اقولك: ربنا يوفقك
مدونتك رائعة
وموضوعاتك مختلفة
واسمحلي ايضا ان اشكرك كثيرا لتشريفك لمدونتي المتواضعة
لك مني كل الحب
والتقدير
مصطفـى فتحـى
الشكر واجب علينا ليك يا درش
وانا تشرفت بك جدا واسعدنى معرفة مدونتك المميزة والتى تدفع للغيرة
وتبدو انك انسان مثقف وواعى من خلال مدونتك
وهذا يجعلنى اكثر سعادة بمعرفتك
لك كل التحيه
لالالالا
مش بأقطع عليك ولا اى حاجة
حاااشااا وماشااا
لكن انت طرحت موضوع وكل اللى مخنوق من حاجة حيقولها
غصب عننا بقا
ما الجرح واحد عندالكل
و أى حد بيشغل ربع كيلو اللحمة اللى جوة الجمجمة حيلاحظ المفارقات فى القناة دى
منتظرة بقية تغطيتك وبشغف
تحياتى
شــهروزة
نوارة المدونين
اهلا بك وانا مش مصدق نفسى
تشرفينى مرتين دا كرم كتير منك
وانا لما قلت انك بتقطعى على كنت بهزر
وردك كان مميز جدا لانة اكد قناعتى
برأيي من القناة
وانشاء الله لن تنتظرى كثرا
لترى الموضوع
تحياتى وتقديرىمع الشكر الخالص
أدعوك وأدعو كل الزوار إنهم يلحقوا فوازير رمضان وكل اللي فاتوا فزوره ممكن يلحق يحلها عشان كل فزوره ممكن تلحأها خلال عشر أيام وإن فزورهأول يوم رمضان حنأفل باب الحل بعد يومين
وبفكركم بردوا إن الجوايز جامده ..وإن الوازير عباره عن خلق وصحابي
السلام عليكم
مش متابعة تلك القناة
وبالتالي لن استطيع أن
أبدى حكمي
منتظرة بوستك الثاني عنها
وحتابعها إن شاء الله
واشوف حجم المفارقات
اللي بتتكلموا عنها
___
مدونة حضرتك لذيذة جدا
وحلو اوى بوست " البطة"
كل سنة وحضرتك طيب
شكرا كتير على زيارتك مدونتي
وشكرا على الإطراء
شهادة اعتز بيها
سلاماتي:)
السلام عليكم
تعرف أنه موضوع مهم جدا اللى بتتكلم فيه
أنا كمان بتضايق جدا من الأعلانات الغريبه أوى بقت بتفكرنى بقناه تميمه وكمان شريط الرسايل أغرب وأغرب والله طيب أيه اللى يضمن أنهم لما يدوا رقم واحده لواحد أنه هيتجوزها مش هيتسلى عليها وأستغلال الدين فى القناه
مع أحترامى للمشايخ اللى فيها لان بعضهم كويس فعلا بس مع ذلك معرفش ليه بحس أن طابع القناه غريب شويه
وأكتر حاجه بتضايقنى ساعات كتير طريقه الكلام وطريقه اللبس كمان يعنى أعتقد أن المظهر لابد منه علشان ما الناس مش تنفر وما تقولش على المسلمين جاين من الكهف
وكمان ساعات كتير بيتكلموا فى قضايا اعتقد أن الدنيا فيها قضايا مصيريه أهم بكتير أوى
ربنا يرحمنا ويهدينا ونقدر نمثل الاسلام
موضوع مهم وتحياتى
فعلا هى القناة بدات كويس لكن بعد كده لقيتها اشترى خلاط واشترى شنيور وكلام فارغ كتير
باظت القناة
ياسـر مدنـي ..دينامو الاخوان
شكرا على الزيارة
وشكرا على الدعوة الكريمة
للمشاركة فى الفوازير
يشرفنى ان ازور مدونتك
ولكن ياريت تقبل اعتذارى لعدم المشاركة فى الفوازير
مليش تقل عليها
تحياتى
mesh2dra
أهلا بك شرفتينى
الموقف من بعض ماتقدمه القناة ليس رأى وحدى ولك رأى ناس كتير
فالمفارقات كثيرة وتغيظ
وشكرا على اهتمامك واعجابك
بـ(حكاية البطة)ولكن ايه رايك فى البطة نفسها!؟
تحياتى وتقديرى
حيــاة الأحـــلام
وعليكم السلام
كلامك فى الصميم وهذا رأي كثيرين
وهو دافع كتابتى فى الموضوع
شكرا لاهتمامك
شرفت بك
تحياتى وتقديرى
بوابــة الحلــوانـى
اهلا بك.. ولا اهلا بكم
ياريت جات على الخلاط والشنيور
دا فيه حاجات تانى كتير ممكن المشايخ بتوع القناة بيحرموها
والقناة بتعملها
والدعاية والاعلان شى اساسى فى اى قناة
ولكن اسلوب الطرح واحيانا ربط السلعة بالدين هى المصيبة
ربنا يصلح الحال
تحياتى وتقديرى
هي تروح النار
عشان بتستغل الدين في امور لا تليق ابدا بقناه لها هذه الواجهه الدينيه
خاصة ان نسبه كبيره من البسطاء ارتبطوا بها نظراً لأننا شعوب متدينه بطبعها وكلمه دين بتخللي الناس تعمل لكل كلمه الف حساب حتى لو كان من عينه ورور يا فجل
طبعاً مش قصدي كلام بعض المشايخ المعتدلين
وبما انه زمن البيزنس بيدخل فى كل المواضيع وبيستغل كل ما هو متاح
فلقد اصبح الدين سلعه على يد أصحاب بعض القنوات
والمصيبه انه اصبح لكل فرقه قناه تتحدث بإسمهم
مما يساهم فىي زيادة الفرقه بين ابناء الأمه الإسلاميه الواحده
وربنا يستر
أحييك على الموضوع
وفي انتظار المزيد
طالما انك تتحدث بنبره هادئه
وموضوعيه بعيداً عن التشنج والتهويل
أشكر لك زيارتك
وربنا يوفقك
والله العظيم عندك حق جدا
أنا تعبت من إسلام الفضائيات
وله الكثير من المشاكل .. وإن كانت له فوائده
المسألة الغريبة .. إن كتير من القنوات الاسلامية .. بيقوم عليها ناس لا يحملون هذا الفكر ... لكن لازم تكون من ضمن مجموعة القنوات .. (قناة أغاني ..قناة أفلام ..قناة منوعات .. وقناة إسلامية) وبكده تبقى الصورة كملت واتجملت ... وكتير من الشيوخ يهمهم طبعا الظهور على الفضائيات والحصول على المنح والعطايا الكثيرة كما صرح شيخ من أهمهم وأشهرهم وأحبهم لقلوب الناس حاليا
ربنا يرحمنا من كل مستغل
ربنا يهدينا للخير والصواب ويبعد هنا الشطان
كل عام وأنت بخير
loumi
نورتينى
الله اعلم معرفش تروح فين انا بسأل
لكن انت لك السبق لم يجب احد على السؤال غيرك
وكلامك مهم وموضوعى وواقعى وانا بحييك عليه وعلى اهتمامك
تحياتى وتقديرى
د- حندولة
اهلا بك وشرفتنى
انت شخصت الموضوع تمام يا دوك
فعلا بقت معظم القنوات الدينية تكملة لباقة القنوات التابعه لشبكات او شركات او افراد
ويمكن علشان يوهموا نفسهم بانهم بيعملو خير ويخدموا الدين
ويضحكو علينا ويشتغلونا اللى عاوز هشك بشك موجود واللى عاوز دين موجود ولا عاوز غيبوبة يتفضل
لكن العالم دى هاتروح فين من عالم السر والعلن ولا فكرين
ربنا يتولانا برحمته
تحياتى وتقديرى
انا كنت عاملة موضوع عن قناة الناس عندى على البلوج من فترة كدا
ياريت لو تقراه
بس مفهمتش فى كلامك حكاية الاسفاف اللى حضرتك اشرت اليه
barbie girl
اهلا بك
انا فعلا قرأت معظم موضوعاتك
لما زرت مدونتك ومنهم موضوع القناة
وهو فعلا جيد وفيه طرح متميز احييك عليه
انا فعلا بحب ضيوف القناة من العلماء والمشايخ وبجلهم
لكن انتقادى لادارة القناة وطرح اشياء بها امتهان لعقول الناس واشياء تتعارض مع طرح العلماء
وكل شئ ساطرحه قريبا ان شاء الله
لو تابعتى المدونة سيصلك ما اقصده
تحياتى وتقديرى
والله مش عارف
انا من اول ما شفت القناة دى ما حبيتهاش
مش عارف ليه
وحسيت انها بتبث من تحت السلم
وكفاية برامج الدعاية اللى فيها
بتفكرنى بشارع عبد العزيز
ربنا يصلح حال عبيده
سلامى لك اخى حسن
ابوسـويلم
اهلا ورحبا بك دوما
نقول ايه ولا ايه
يا أخى احنا بقينا حقل تجارب
كل اللى عاوز يعمل حاجة يطلع اللى في نفسه فينا
شرفتنى
تحياتى وتقديرى
بعد السلام عليكم
للأسف أنا مش متابع القناة ، بس عندي خلفية مسبقة عن اللي أنت أشارت إليه
ده طبعا بخلاف كلام كلا من الدكتورة روفي و شهروزة اللي اوضح المسألة أكتر
وأنا شايف
أنه مش بس عار أن تنهي عن فعل وتأتي بمثله ، ده عار و نفاق و مهذلة كمان
أنا عامة فيي طبع أني مبحبش التناقض ما بالك بقي لو التناقض ده في قناة دينية المفترض أن كل الناس بتثق فيها و بتتلقي منها
أستمر ياأستاذ حسن و كلنا منتظرين البقية، لأنه فعلا موضوع جدير بالطرح
وفقك الله
طبعا لن أنسي أن أعتذر لك عن تقصيري معك رغم أن أنت خلاص بقيت أخ و صديق
وعشان أثبتلك أنك علي بالي
أنت لأخر لحظة كنت من المدونين اللي أنا مررتلهم التاج ، ولكني عرفت أن الدكتورة روفي سبقتني
عامة ملحوقة ، وأعتذر مرة تانية
تحياتي
وكل سنة وأنت طيب
انا بجد اعترض!!!
ايه الاستعباط اللي الناس عايشه فيه ده
ربنا يهديهم بجد!!!
انا اتصدمت لما شفت الشعار!!
ابـو صـــلاح
اهلا بك ومنورنى دائما
انا حريص على متابعة مدونتك
واعتز كثيرا باهتمامك
وندعو الله ان يديم بيننا المحبة
وشكرا على تشجيعك لمواصلة تناول الموضوع
تحياتى وتقديرى
Ert3ashat
اهلا بك وسعيد بزيارتك
ياريت الشعار بس لانه لو بيطبقوه فعلا كان يبقى شى جميل نشكرهم عليه
لكن الشعار حاجة واللى بيحصل خلطة غريبه
تحياتى وتقديرى
السلام عليكم
عندك حق
وبصراحه انا معدش بسمعها دلوقتي زي الاول
كل سنة وانت طيب
sahr
وعليكم السلام
الحقيقة ان بها حاجات قيمة
واشياء اخرى تدفع للابتعاد عنها
كل عام وانت بخير
تحياتى وتقديرى
بصراحة يا حسن ماقدرش أدعي إني من جمهور قناة الناس أو جمهور شيوخ السلفيين و الوهابيين عامة
لأسباب خلافية كتير و عدم لإقتناع بكثير من آرائهم
يمكن إتفرجت على قناة الناس مرة واحدة و إستغربت طبعا من إستغلال الدين في فكرة تجارية لأن الدين مش بضاعة
ده غير بصراحة إني معترض على أي طائفية
اللي بيتمتع بيها معظم شيوخ القناة بصورة كبيرة
و صدقني مش معجب بنموذج هيئة النهي عن المنكر السعودية لتطبيقه في مصر
يحيى المصرى
وجهة نظرك تحترم وتعدد القناعت والاختلافات شئ صحى
شرفت بزيارتك الكريمة
تحياتى وتقديرى
مدونتك جميله وبسيطه وفيها عمق
والبوست ده بالذات جه فى وقته بمناسبه رمضان كل سنه وانت والجميع طيبين
مش هقولك بتفرج على قنوات دينيه اساسا لكن يكفى انى اقول ان احد اهم الاسباب لابتعادى وناس تانيه كتير عن هذه القنوات التجارة الواضحه فيها بكل شىء من اول العسل لحد العرايس والعرسان !! حاجه تنقط بجد
ده بالاضافه للفتاوى اللى بالهبل من كل من هب ودب
ربنا يلطف بينا ويهون علينا
بص قناه الناس فى خلال شهور قليله شدت الناس لها من كل اتجاه
وبيت المقصد الاول لربات البيوت
وانا شايفها كويسه جدا
الاعتراض الوحيد على القناه دى
اداره القناه
شايفهم متخفين ورا ستار كده غريب
تحياتى ليك
شغال
rainbow
اهلا بك شرفتى نورتي المدونة بزياتك الكريمة
وكل عام وانت والاهل والاحباب بخير
شكرا على رأيك الرقيق فى المدونة
وارجو متابعة البوست التالى فى نفس الموضوع
تحياتى وتقديرى
حسـام مراد
اهلا بك
انا اتوافق معك تماما فى كل ماقلته
وذلك سيتضح مع البوست التالى
تحياتى وتقديرى
أممممممممممم
فين البوست؟؟؟؟
إنت معتكف الأيام دى ولا شو القصة؟؟
طب تصرف منين على الاضائه و ايجار القمر و المخرجين و المصورين و الاداريين الخ ؟؟؟
لازم في مصدر ايرادي و هو الاعلانات
طب ينفع تجيب اعلانات فيها رقص و بنات قالعه مينفعش لازم ايراد
لو مش عاوزين اعلانات اتبرعوا ليها و شيلو السلبية اللي مش عاجباكوا فيها
شهروزة
البوست جاهز
بس الظاهر القناة مبروكة صح
يومين ورا بعض احاول انزلة والغريب قبل ما انتهى منه بعد مجهود لانه كبير
يوم النت فصل
ويوم الكهربا قطعت
وانا شغال فيه اهو وربنا يستر لانه لو حصلت حاجة تانى هابتدى اقلق
هى دى القصة!!!و
تحياتى
محمود صبحى84
يا أخى احنا مش معترضين على الاعلانات
ولا على تغطية نفقات القناة
ولكن نوعيتها
ثم انه مفيش غير الكذب والتدليس والتلاعب بمشاعر وعقول الناس بدلا عن الرقص والعرى
امال فين النموذج الاسلامى!!!!!؟
شرفتنى ورمضان كريم
لأني مش متابعه القناه خالص فمعنديش فكره عن مستواها بصراحه
لكن كلام حضرتك جميل جدا وبيوضح حاجات ممكن تبقي غايبه عن عقل المشاهد بجد
النقد ليه ناسه برضه
ليا عوده ان شاء الله ارد فيها رد كبير كده واقرا التعليقات كمان عشان لسه مقريتهاش
بس كنت عايزه اقول ان المدونه جميله جدا
الي الامام دايما ان شاء الله
jousian
شكرا على زيارتك الكريمة
وكلماتك الرقيقة
واناسعيد بمعرفة مدونتك
تحياتى
لا يمكن التجريح هكذا في القناة لأن لكل تجرية نقاط ضعف و المرء دائما يرشد ويصحح ولا يكثر الإنتقاد
إرسال تعليق